ich

vermisse:
sallabendliche bier und spläuderle mitem tschello!
s'choche, massage gnüsse und mängisch chli gege mis brüederli zünde mit de corinne!
s düsch düsch düsch und reaktionsspili im tuktuk mitem cedric!
jede tag ganz vill schöni blueme überzcho vom leon!
eifach smahlerlis! es isch mega schön gsi mit eu!!!

wanna bei sgaf leidii? sör? wanna bei somsing? gud kualiti. ju wash, will bi bedder.
ou no leidii. uan dollar more. pliis!
mill, hiiven und hell (ich säge nur ankgor wat)

amok mit fisch
papaya a gogo


vermisse nöd:
kakerlake (ok, nur eimal), müüs, geckos und mugge im zimmer
coffee-creamer
toast brot
baguette
baguett und toast
toast und baguette


han glehrt, wie mer korrekt zuckerrohr chätschet
han glehrt, wie mer feilscht (corinne, bisch e super vorfeilscherin!)
han doch scho chli flugangscht überwunde
han sicher 25 foulards im gepäck gha
han es mega schöns trauzüginnechleid
probiere hüt min mörser us (es giit lao-salat und rots chicken fürs mami und de papi)

han mega freud, han ich die reis gmacht. punkt.

letschti täg

voreweg: in phnom penh gits also fascht kei riissäck. drum bini scho fascht wieder kuriert vo minere sucht. defür häts au dete foulards gha. smami hät hüt die gröschti uswahl gha und sich schomal für 3 entschiede.
zum glück isches ja so, das sich die foulard bim wäsche veränderet wie mers gern het. also wänns zstiif isch, werdeds fiin, bi zchli gross und bi zgross chli. es isch wahnsinnig, was so wäsche alles bewürkt (gemäss verchäuferinne :) drum isch die letschte täg min lieblingsspruch gsi: eifach wäsche, es wird sicher besser.

nach siem reap simmer mitem bus uf phnom penh. dank iphone isch dfahrt für dchind chli abwechsligsrich gsi. ich säge nur: pinguinkapapult :)

dstadt selber isch aber nöd würkli sehr schön gsi, vorallem vill verchehr. dstrasse überquere isch also doch scho e rechti useforderig gsi. aber mir händs kamikazehaft immer gschafft.

ja, und geschter isch scho min letschte tag gsi. so wieni dreis aagfange han, hani ich sie beändet. mitem pad thai im restaurant und enere fuessmassage im flughafe bangkok. sverabschiede isch mir recht schwer gfalle, vorallem will de cedric no so herzig gfröget hät: hets dir gfalle da?
und wo denn de cäptn no gseit hät, es gäbi en unruhige flug, hani grad mis halbe dösli homöopathischi chügeli hindergrüert. gschlafe hani nöd so vill im flüger, min uusschlag hät au bisse wie verruckt (vome (vilichtnödsoganz) silberarmband).

aber diheime häts denn zwei stuck dunkels pfünderli, feine anke und gunfi ghä. somit isch dwelt wieder in ornig!

ps: alli föteli sind jetzt online...

ich bin riistaeschensuechtig!

die sind mega cool. us de alte saeck, wos riis dine verchaufed, macheds voll die geile taesche. ich han bis jetzt 4 verschiedeni modell und no es bortmonee. huet bini mitem tschello no ufem nachtmaert gsi und han fascht nueme choene bremse.
hoffentli gits die in phnom phen noed au :)

angkor wat...

isch sehr interessant gsi, aber au sehr heiss. mir sind de ganz tag miteme guide umegstiflet, haend eus aber no es klimatisierts auto gleischted. so haemmer zwuesched ine wieder chli choene abchuele. und es feins fruechte-picknick haemmer au no im schatte gmacht.

ich han mir vorgno, bis zur heireis wenigschtens zum zmittag und znacht kei weschtlichi sache zaesse. drum haemmer de chinde ihri pizza geschter muesse vomene andere restaurant'ífluege'la. huet muess ich wahrschinli mit id pizzeria sitze und mir denn mis chicken amok (mit feiner kokosnussmilch) bringe lah :)

huet haemmer no im spital vom beat richner iineglueget. leider simmer am samschtig noed da, denn git er immer es cello concert bim spital. mir haend eus aber alli fuer e geld- und noed bluetspaendi entschiede...

eusi chleider sind super gworde. es tuet mir jetzt scho weh, das in rucksack ine zmoschte. de tschello und ich haend jetzt aber ufem maert no en riissack kauft (mami und papi, ich chume mit vill gepaeck aa :) drum chani jetzt no meh foulard und taeschene chaufe!!

so, jetzt giits en fruchtdessert und nochli umefuhle am pool

uuf nach kambodscha

uff, mir sind da! aber es haet nerve brucht. de tschello haet vo don khon us provisorisch choene de flueg reserviere. aber ebe nur reserviere, noed bueche.
geschter in pakse haet die vom reisebuero gseit, de flug segi usbuechet. de tschello und ich haend denn aber no schnell es tuktuk fuer an flughafe gno. 2minute vor schalterschluss haemmer no 5 tickets uebercho fuer de ander tag!! perfekt, will pakse isch wuerkli nuet schoens gsi und mir haend sofort wiiter wellae. de tuktuk fahrer haet gseit, er chaemi eus am 6i am morge cho abhole. ich hans noed ganz glaubt, aber tatsaechlich: good morning madame! er isch da gsi :)
jetzt simmer in siam reap. es isch mega tueppig, nichtsdestotrotz sind corinne und ich scho uf schniider-suechi. jetzt wird also fuer 120.- mis trauzueginne chleid gmacht. us reiner siide! ok, das glaub ich noed ganz, aber es isch sicher sehr schoene stoff. morn abig am 7ni muess ich nomal zur prob. bin gspanne wies wird...

uebrigens: zu verkaufen tuktuk aus laos. die in kambodscha sind fascht no herziger :)

wiaehnachte im suede...

isch also schoen gsi. mir haend noed im hotel gaesse, sondern suscht ime feine restaurant. aber es gaht also im schnitt immer 40min - 1h bis saesse fertig isch - brucht geduld.

morn gahts wiiter uf eusere reis. mir fahred via tee- und kafiplantage und wasserfaell nach paxxe. dete hoffed mir, dass mir en flug fuer uebermorn nach siam reap verwuetsched. mir waend eifach noed 18h bus fahre...

so, jetzt muess ich retour is zimmer, mal luege, oebs no es vanillegipfeli fuer mich vorig haet. ich han ebe gseit, ich wetti die tupperware langsam leer, ich muesses choene mit foulards fuelle :)
apropos tupperware: leider minus eis. e muus (oder was au immer i mim zimmer wohnt, ich wills noed wuesse) haets recht aaknabberet und sogar es chlises loechli drii gmacht. aexguesi mami :)

ps: neui foeteli sind online...

mitem nachtbus..

nacheme bsuech inere weberei und em buddha-park simmer nachem znacht in nachtbus iigstige. mir haend eigentli super plaetz gha, nur leider eifach noed choene schlafe. also dchinde scho, aber mir drue erwachsne sind eigentli die ganzi ziit wach gsi. vilicht haets au noed ghulfe, dass de tschello am aafang vo de fahrt gseit haet: mir muend glaubs dchind ablenke, de vorne macht de harakiri. ich bin scho in gedanke usgraubt und verprueglet gsi, er haet aber nur de fernseh gmeint, wos zmits im bus gha haet... :)
in paxxe simmer denn witer, nomal ca. 3h. mitem buesli. denn haemmer ufs schiff gwechslet und sind jetzt uf don khon. es isch e sehr e schoeni insle ufem mekong.
geschter haemmer eus nochli vo de reis erholt. huet simer mit de velos uf don deht, go eusi wiiterreis organisiere.
am namitag haemmer eus es grosses tuktuk gleischted und sind nacher mitem boot go flussdelfin beobachte. und mir haend sogar gse! jetzt gits denn euses heiligabig buffet und denn no es paar gschaenkli fuer dchinde...

i dem sinn: ganz schoeni wiahnachte!